ການກຽມພາສາໄທຂອງນັກສຶກສາລາວ ທີ່ມະຫາວິທະຍາໄລ ກະເສດສາດ ພາຍໃຕ້ທຶນTICA ລຸ້ນທີ່ 16
ເລັ່ງພັດທະນາການຮຽນ-ການສອນໃຫ້ມີຄຸນນະພາບ
ເລັ່ງພັດທະນາການຮຽນ-ການສອນໃຫ້ມີຄຸນນະພາບ
ທ່ານ ທອງດີ ວົງຖາວອນ ຫົວຫນ້າຫ້ອງການສຶກສາປະຈຳເມືອງຈັນທະບູລີ ໄດ້ກ່າວວ່າ: ໂດຍປະຕິບັດຕາມ ແຜນການ ພັດທະນາການສຶກສາ 5 ປີ ແຕ່ປີ 2006-2010 ຂອງພະແນກສຶກສາ ນະຄອນຫລວງວຽງຈັນ ກໍຄືຫ້ອງການສຶກສາປະຈຳເມືອງຈັນທະບູລີ ວາງອອກ ໃຫ້ປະກົດຜົນເປັນຈິງ.
ສຳລັບຄາດຫມາຍສູ້ຊົນເດັກນ້ອຍໃນເກນອາຍຸ 3-5 ປີ ໃຫ້ໄດ້ເຂົ້າຮຽນຂັ້ນອະນຸບານ 80% ຂຶ້ນໄປ ອາຍຸ 6-10 ປີໃຫ້ໄດ້ເຂົ້າຮຽນຂັ້ນປະຖົມ ຮອດຮຽນຈົບປະຖົມ 90% ຂຶ້ນໄປ ອັດຕາເຂົ້າຮຽນ ມໍ 1 ໃຫ້ໄດ້ 98% ຂອງນັກຮຽນຈົບຊັ້ນປະຖົມປໍ 5 ບັນຫາຄຸນນະພາບດ້ານການຮຽນ-ການສອນ ອະນຸບານ ປະຖົມໃຫ້ໄດ້ 70% ຂຶ້ນໄປ ສ່ວນການສອບເສັງເລື່ອນຂັ້ນ-ຈົບຊັ້ນປະຖົມ ປໍ 5 ມໍ 3 ມໍ 6 ໃຫ້ໄດ້ 98% ຂຶ້ນໄປ.
ໄປຄຽງຄູ່ກັນນີ້ ກໍສ້າງໃຫ້ມີຜູ້ບໍລິຫານການສຶກສາໃຫ້ດີ ໃຫ້ເກັ່ງ ຄູສອນດີ ສອນເກັ່ງ ນັກຮຽນດີ-ນັກຮຽນເກັ່ງ ມີໂຮງຮຽນດີເດັ່ນຮອບດ້ານ ເປັນຕົວແບບໃຫ້ໄດ້ 3 ໂຮງຮຽນພາກລັດ ແລະ ໂຮງຮຽນຄຸນນະພາບໃຫ້ໄດ້ 14 ແຫ່ງ ໃນນັ້ນ ໂຮງຮຽນເອກະຊົນໃຫ້ໄດ້ 3 ແຫ່ງ.
- ສູ້ຊົນປະຕິບັດການສຶກສາໃຫ້ຮັບປະກັນໄດ້ດ້ານຄຸນນະພາບກັບປະລິມານ ໄປຄຽງຄູ່ກັນ ແຕ່ນີ້ຫາທ້າຍປີ ເປັນຕົ້ນ ຄື:
+ ການສອບເສັງເລື່ອນຊັ້ນ ຈົບຊັ້ນປະຖົມ ປໍ 5 ມໍ 3 ມໍ 6 ໃຫ້ໄດ້ 98% ຂຶ້ນໄປ.
+ ການສອບເສັງໃຫ້ໄດ້ສົມບູນ 50% ຂຶ້ນໄປ ໃຫ້ໄດ້ເກັ່ງຮອບດ້ານມີຫລາຍຂຶ້ນ.
+ ການເສັງນັກຮຽນເກັ່ງໃຫ້ໄດ້ອັນດັບ 1Œ2Œ3 ຂອງແຕ່ລະວິຊາ ແຕ່ລະຂັ້ນ.
+ ສ້າງໃຫ້ໄດ້ໂຮງຮຽນດີເດັ່ນຮອບດ້ານ ກາຍເປັນໂຮງຮຽນຕົວແບບທີ່ດີໄດ້ 3 ແຫ່ງ.
- ຊຸກຍູ້ ແນະນຳ ຊ່ວຍເຫລືອໃຫ້ອົງການຈັດຕັ້ງ ກຳມະບານ ແມ່ຍິງ ຊາວຫນຸ່ມ ເຍົາວະຊົນ-ອະນຸຊົນ ເອົາໃຈໃສ່ປະຕິບັດຕາມພາລະບົດບາດ ສິດ-ຫນ້າທີ່ຂອງໃຜລາວ ທີ່ຢູ່ພາຍໃນຄວາມຮັບຜິດຊອບຂອງຕົນ
* ຄັດຈາກ: ຫນັງສືພິມວຽງຈັນໃໝ່, ສະບັບວັນທີ 29-11-2007
ການປະກວດນາງສາວອາພອນ ຕະຫລາດເຊົ້າ
ງານປະກວດ ນາງສາວອາພອນ ຕະຫລາດເຊົ້າ (Miss Apone Talatsao Contest) ປີທຳອິດໄດ້ເປີດຂຶ້ນຢ່າງເປັນທາງການ, ເຊິ່ງນຳໂດຍທ່ານ ວິໄຊນະວຽງຈັນ ປະທານຈັດງານ ພ້ອມດ້ວຍຄະນະ ແລະ ກຳລັງແຮງຈາກຊາວຄ້າ ຂາຍພາຍໃນຕະຫລາດເຊົ້າ ແລະ ແຂກທີ່ມີ ກຽດສາມັກຄີກັນສ້າງເວທີນີ້ຂຶ້ນມາຈົນສຳ ເລັດຢ່າງຈົບງາມ, ເຊິ່ງທາງຄະນະເລີ່ມປະກາດຮັບ ເອົານາງແບບຕັ້ງແຕຕົ້ນເດືອນເມສາ ເຊິ່ງມີນາງແບບມາສະໝັກທັງໝົດ ຈຳນວນ 34 ຄົນ ແລະ ຄັດເອົາພຽງ 16 ນ້ອງນາງສາວ ເພື່ອເຂົ້າໄປປະກວດຮອບສຸດທ້າຍ. ໃນຄໍ່າຄືນຂອງວັນເສົາທີ 5 ພຶດສະພາ ຊາວຄ້າຂາຍຕະຫລາດເຊົ້າກໍໄດ້ນ້ອງນາງສາວທີ່ເປັນຂວັນໃຈຂອງພວກເຂົາເຈົ້າ ຫລັງຈາກກະມະການ ໄດ້ລົງຄະແນນຢ່າງເປັນເອກະພາບກັນ ໃຫ້ນາງສາວຜູ້ເຂົ້າ ປະກວດ ໝາຍເລກ 1 ອາຍຸ 19 ປີ ຄ້ວາມຸງກຸດ, ພ້ອມເງິນສົດ 5.000.000 ກີບ ແລະ ສາຍສະພາຍຊະ ນະເລີດ ນາງສາວອາພອນຕະຫລາດເຊົ້າ.
ເຖິງຟ້າຝົນຈະຕົກ ແຕ່ກໍບໍ່ເປັນອຸປະສັກຫຍັງຕໍ່ກອງປະກວດ ເນື່ອງຈາກເຈົ້າພາບ ໂດຍສະເພາະທ່ານ ວິໄຊ ນະວຽງຈັນ ປະທານຈັດງານ ເພິ່ນກຽມທີມງານມາດີ ກໍ່ ເລີຍເຮັດໃຫ້ງານນີ້ລຸລ່ວງໄປໄດ້ດີ. ແລະ ທີ່ສຳຄັນຍັງໄດ້ຮັບກຳລັງໃຈຈາກທ່ານຮອງ ເຈົ້າຄອງນະຄອນຫລວງ ທ່ານ ບຸນຈັນ ສິນລະວົງ ພ້ອມດ້ວຍພັນລະຍາ ແລະ ທ່ານ ບຸນປອນ ສີສຸລາດ ຫົວໜ້າພະແນກອຸດສາຫະກຳ ແລະ ຫັດຖະກຳ ນະຄອນຫລວງ ທີ່ໃຫ້ກຽດມາຮ່ວມເປັນສັກຂີພິຍານ ແລະ ໃຫ້ກຽດສວາມມຸງກຸດ ໃຫ້ກັບສາວງາມໃນ ຄັ້ງນີ້ດ້ວຍ.
ເຖິງຟ້າຝົນຈະຕົກ ແຕ່ກໍບໍ່ເປັນອຸປະສັກຫຍັງຕໍ່ກອງປະກວດ ເນື່ອງຈາກເຈົ້າພາບ ໂດຍສະເພາະທ່ານ ວິໄຊ ນະວຽງຈັນ ປະທານຈັດງານ ເພິ່ນກຽມທີມງານມາດີ ກໍ່ ເລີຍເຮັດໃຫ້ງານນີ້ລຸລ່ວງໄປໄດ້ດີ. ແລະ ທີ່ສຳຄັນຍັງໄດ້ຮັບກຳລັງໃຈຈາກທ່ານຮອງ ເຈົ້າຄອງນະຄອນຫລວງ ທ່ານ ບຸນຈັນ ສິນລະວົງ ພ້ອມດ້ວຍພັນລະຍາ ແລະ ທ່ານ ບຸນປອນ ສີສຸລາດ ຫົວໜ້າພະແນກອຸດສາຫະກຳ ແລະ ຫັດຖະກຳ ນະຄອນຫລວງ ທີ່ໃຫ້ກຽດມາຮ່ວມເປັນສັກຂີພິຍານ ແລະ ໃຫ້ກຽດສວາມມຸງກຸດ ໃຫ້ກັບສາວງາມໃນ ຄັ້ງນີ້ດ້ວຍ.